6 إبريل: نعدكم إن غدًا لناظره قريب!

علقت حركة شباب 6 إبريل عن القبضة الأمنية المحكمة التي فرضتها قوات الجيش والشرطة على الشوارع والميادين العامة مع اقتراب ذكرى ثورة 25 يناير الخامسة قائلة "اللى على رأسه بطحة الجيش كله في التحرير والدنيا أمان وعال العال يا باشا ومحدش من العيال الثوار أعداء الوطن هيقدر ينزل يهتف". وتابعت الحركة فى تدوينة لها عبر صفحتها الرسمية بموقع التواصل الاجتماعى "فيس بوك": نظام كامل خايف من هتاف!! اللى ماشى صح عمره ما هيخاف من مليون هتاف ولا مليون مظاهرة، بس عشان عصابة الجبناء الحاكمة عارفين إنهم ماشيين غلط طبيعى يترعبوا من يوم زى ده، وأقل كلمة حق تموتهم من الخوف فاضل إيه مش معاك!! مستنى تأخد إيه تانى وتعمل إيه تانى عشان تسيطر على البلد ولا حتى تنجح فى أى حاجة! وأضافت الحركة" كل الإمكانيات دى والتأمينات دى وبرضه فاشل!جيش المفروض يحمى الحدود من الأعداء، خلوه يتلهى عن مهمته الرئيسية وينزل يحمى صينية ميدان من ولاد البلد إخواتهم وصحابهم اللى كل همهم إنها تنضف وتبقى أحسن، وأديكوا شايفين الحدود كل يوم بيحصل فيها إيه! المجرمين الكبار بيحطوا الشعب فى مواجهة بعضه، ويسيبوا الدنيا تولع ويقعدوا يتفرجوا عشان بس يفضلوا فى كراسيهم ويحافظوا عليها بس وحياة نور عينيه ده ما حكم عسكر بس مهما عملتوا الوضع ده مش هيستمر كتير، نوعدكوا إن غدًا لناظره قريب".