مفاجأة مدوية في قضية الطفل المحكوم عليه بالمؤبد

كشف الكاتب الصحفي محمد أبو الغيط مفاجأة كبيرة في قضية الطفل المحكوم عليه بالمؤبد قائلا: الجزئية التي لم يتنبه إليها أحد .. كيف لـ 116 شخص أن يقتلوا 3 أشخاص ؟ "بحسب قوله" وقال أبو الغيط في جزء من تدوينة طويلة: المفاجأة الكبيرة بقى: أنا عملت سيرش على أسماء ال 3 أشخاص المذكورين في أوراق القضية بأنهم قتلهم الـ 116 متهم، والمفاجئة إن الضحايا التلاتة متظاهرين إخوان، وده موثق جداً بتواريخ 2014 بفيديوهات لحظات إطلاق النار، ولقاءات مع أسرهم اللي كلهم اتهموا "الانقلابيين" - بحسب تعبيرهم- بقتل أبنائهم (ولا يوجد بالقضية إطلاقا اسم ظابط أو عسكري ولو مصاب اصابة طفيفة) بحسب قوله. وأضاف: يعني اللي حصل ان قوات الأمن فتحت النار على المتظاهرين، ثم بعدها تتهم عدد ضخم منهم أو من غيرهم بقتل اللي سقط من زملائهم، ثم يتكتب محضر تحريات أمن وطني ممكن الظابط يألفه وهوا قاعد في بيتهم، وكتر خيره لو هيجوّد ممكن يجيب كرتونة احراز ويقول انها بتاعة كل المتهمين ع المشاع كده بلا تحديد مسكو إيه مع مين، ثم تصدر احكام مشددة بلا أي ادلة الا ذلك وخلاص.. السيناريو ده اتكرر كتير جداً. .. فاكرين سيد وزة عضو حركة 6 أبريل اللي الداخلية قتلته في مظاهرة ذكرى الثورة 2014 قرب نقابة الصحفيين؟ حتى اليوم شغالة جلسات محاكمة 227 متهم إنهم هما اللي قتلوه .. مضيفا: طيب وأحداث الدفاع الجوي اللي اتقتل فيها جمهور الزمالك في قفص حديدي ضربت عليه الشرطة قنابل غاز؟ إلى الآن معتقل ويُحاكم 16 شاب من الأولتراس والجمهور بتهمة إنهم اللي قتلو زمايلهم، وأضافوا اسم سيد مشاغب للقضية بصفته محرض، بينما مفيش أي ظابط متهم "بحسب تأكيده"