ما خبرت الليل / محمد بن سليمان العنزي
نيسان ـ محمد بن سليمان العنزي / شاعر سعودي ـ نشر في 2015-04-01
x
نيسان ـ
حظـّي اللـــي شــام عـيّــا يـسـتفيـق**لـيـن ســود الهـم حنّـى بــ ظـهــري
من رداة الحــظـ تـالــيــهــا يــويــق**والسـوالـف ضـايعــة فـيـهـا قْـهري
يا رفيــق البـال والمعـنـى طـريــق**والخـطــاوي شـايلـة نـصـف دهـري
وان تشكّـل ضيق والأعمى يضيـق**والضّــيــاق احيان سبـّه لــ سهـري
مـا خـبـرت الليـل ضحـكاته تـليــق**ولا خـبـرت الصـّـبح نسمة لزهـري
يا رفـيـق البـال وش صـار بغريق**والعطــش نـابـه علـى جــال نهــري
غارسـاً كـفــّـه وانـا بيـري عميــق**والـقـــدح أحـيــان قـاعــه مـنـهــري
يا رفـيــق البـال والليــل العـتـيــــق**والسـّــوالـف كــلــهـا فــي مظهري