المتزوجات عن التعداد السكاني: ربنا يسترنا من (المكرر)

نيسان ـ بالطبع لن تتوقع الحكومة وكل اجهزة الدولة ان تمر مناسبة التعداد السكاني على شبكات التواصل الاجتماعي مرور الكرام. كان لا بد للمواطنين من مختلف مواقعهم الاشارة ولو بكلمة عن التعداد. لكن كان للمتزوجات في المنشورات التي جرى اطلاقها نصيب الاسد. فقد انتشر مثلا على شبكات التواصل وخاصة الواتساب منشور يحذر المتزوجات مما يلي: ركزوا معي: بكرة انتبهوا للتعداد الي بطلع انه اسم (جوزها) مكرر لا ترد انه الشبكه علقت او اسم متشابه او.... او... هاد بكون اله دفتر عيله ثاني وفهمكو كفايه. يارب استرنا من المكرر في حين تندّر الاعلامي الاردني ينال فريحات على ما قال انها اغنية وطنية صنعت خصيصا لمناسبة التعداد السكاني فكتب منشورا على صفحته على الفيسبوك يقول:

يا جماعة.. بنصح كل شاب وفتاة يحضروا هذا الڤيديو ويسمعوا هذه الأغنية.. الي بصنفها بأنها يا ثاني يا ثالث اقوى اغنية وطنية بسمعها بحياتي.. هيه صح محلية لكنها بلا شك تستحق العالمية..

هيه مش أغنية.. هيه بمعنى ادق "سيمفونية".. هيه أسطورة.. مش قادر اوصفلكم قديش أثرت فيي.. بتضرب على المشاعر والأحاسيس بشكل مش طبيعي ابداً!!!!

والآآآآن.. مع فخر الصناعة الوطنية.. اغنية الموسم.. لأ.. قصدي اغنية المواسم كلها مع بعض.. اغنية التلفزيون الرسمي الأردني.. تلفزيونا الحبيب الي منواصل مسيرة الأباء والأجداد بدفع دينار اله كل شهر.. لتمويله في إنتاج مثل هذه الأعمال الفنية العظيمة..
اغنية تعدااااد السكااان والمسااااااكن:

فيما قال الناشط محمد عبدالمجيد الخوالدة

الاحصاءات رح تكون 10 ايام متتالية .. نفسي افهم شو الهدف والغاية انه العطلة فقط اول يوم للتسهيل على موظفي الاحصاءات !

طيب والـ9 ايام الباقية ؟ مهو يا نداوم 10 ايام يا نعطل 10 ايام عالعموم في مثل بحكي "الريحة ولا العدم".

وعلى حكي المتزوجات .. ربنا يستر من المكرر..