القديسة: فراتي للشاعر حسن العمير

نيسان ـ

الى امي الحنونة

1

راح اكتب عليــچا وخاف ما تكفي

حــروف العرب يا يمــه اعذريني

انتي جنة ونور وجهــچ قناديل

ومن عينـچ يا يمه تتكحل عيوني

يا نبع العفاف ومدرسة اخلاق

ومن هذا النبع سگـيتي بسنيني

اذا ترضين الله علي رضيان

واذا تغضبين شـيــفدني ديني

اسم امي آمان اعله اليخافون

ومن أخاف بعجل امان تنطيني

حنونة ... وطيبة ...وتسوى سبع أكوان

ولسابع سما للجنة شلـــتيني

صوتـچ يا يمه ما يشبه الاصوات

عجب آذان مسجد بالله فهميني

2

خبزت وآنه يمها ودنك التنور

غيران من المودة البينج وبيني

نور البيت ناتج من ظــواچ شلون

ومن تجاعيد الوجه نورچ ملا عيوني

يصلي الوطن بـچفوفـچ الزينات

وبسجود الصلاة أدريـچ تدعيني

قبل امي مريضة باعت علاج الروح

وجابت أكل ورادت تطعميني

تسع تشهر حملتي وانتي تتمنين

أجي للدنيا وبيديـچ ترضعيني

صبرتي وسهرتي يا يمه وتكبرين

ومن تبرد الدنيا عباتـچ تغطيني

اشكثر امي شافت مرار وظيم

ياما تحملت تا تبتسم عيني

3

كبرت آنه وصرت يا يمه بالعشرين

ومن امشي يا يمه بيديــچ تمسكيني

ومن تمشين حدريـچ يمر الكون

كأن الكون غاير من تمشيني

امي يمها الشرف واگــف

ومن تمشي يجي ويحاجيني

ويگـول وين أمك. .؟ اريد منها شوية عفة

اترجاك تسألها تنـطيني

امي ما لبست حرير

امي لبست ثوب جنة

وجوا الثوب يا يمه خليني

امي اطباعها من اطباع ارض الشام

وهي الوطن ابـغربة سـنيـني

عندي حضنين وبعدهن ما اريد

حضن الشام وحضنج يلفيني