نجل مرسي لشقيقه: (فاكر لما السيسي كان يشوفك يتنفض‏ واقف عشان ابن الريس معدي)

علق أسامة مرسي، نجل الرئيس المعزول محمد مرسي، على تحديد جلسة نقض مفاجئة لأخيه "عبدالله" السبت لنقض الحكم بالسجن عامًا قائلاً: "أخي الأصغر والأجمل عبدالله محمد مرسي.. اتحددت له جلسة نقض مفاجئة يوم السبت ١٣ يونيو لنقض الحكم بالسجن عام".

وأضاف: "عبد الله أصلا فاضله أيام على انتهاء مدة محاكمته الظالمة... الحقيقة الموضوع ده مش شاغلني خالص إحنا السجن بالنسبة لنا لا يمثل أي تهديد على الإطلاق ولا تخويف ده جزء بسيط من ثمن النضال والمعادلة دي واضحة عندنا جدا".

وتابع أسامة في تدوينة له على موقع التواصل الاجتماعي "الفيسبوك": "بص يا عبدالله باشا.... ربك سبحانه وتعالى عايز ينقيك اكتر مانت نقي ويشبهك بأبوك اكتر ما أنت شبهه ... توكل على الله فهو حسبك... هانت يا وحش ... بس فاكر لما كان وزير الدفاع أول ما يشوفك يتنفض واقف عشان ابن الريس معدي، رمضان كريم يا ابن الريس".